Om 'n nuwe kerk te plant skep die geleentheid vir mense wat nie tans in 'n kerk is nie om deel te raak van 'n kerk waar hulle tuis voel. Daar is talle mense in Bloemfontein wat swaar kry of eensaam is en ons wil graag 'n kerk wees waar almal welkom voel. Ons het 'n passie om 'n lewe-gewende kerk te plant waar mense verdiep in verhouding met mekaar en Jesus. Ons wil hê dat 'n Sondag die hoogtepunt van jou week moet wees en dat jy hier vriende maak wat saam met jou gaan lag in die goeie tye en wat jou gaan ondersteun in moeilike tye. Kom word deel van 'n groep mense wat 'n diep liefde het vir mense en God.